Category: Huasteca Nahuatl Short Stories

Anita tisi nochi tonal. Moneki kichiwas miak tixtli. Kinpiya nawi imimiwan tlen kikwah miak tlaxkalli. Se tonal se imimi kiwallikak se kakaloxochitl wan Anita nellia paki. Teipan Anita kinextilih inanan ixochi. “Xikitta ni xochitl tlen nechwallikilih nomimi.” Inanan no kipaktih nopa xochitl wan imimi kipaktih nopa tlaxcalli tlen Anita kichiwilih.

Se tonal Anita kipixtoya miak tekitl. Moneki kitekilis atl para kimanas etl pero ya tlanki atl ipan komitl. Yeka Anita atlakwito. Wan nepa apan kipanti se koatl tlen kiski ipan se ostotl. Anita mokwepki motlaloyaya ika ikon. Nopa koatl mokwepki sampa ipan ostotl.

Nimitspalewis tikwikas mokone kampa tepahtihketl. Tlaskamati. Nelliya mokokoa. Yakatsompiliwi wan totoniya. Itstok se kwalli tepahtihketl nepa Kwawtlan. Mitsmakas se pahtli para mokone para mochikawas. Ma tiyakanya

Naman Anita kikowati se metlatl tlen yankwik para ipan tisis. Nowkiya kikowas se petlatl para ipan kochis. Kipiyayaya se kwalli petlatl sanpampa tlatlak kemman onkak se weyi tlitl nepa ichan. Naman moneki kikowas seyok.

Nacho kineki yas tiankis iwanya inan. Inan moneki yas kikowati sintli. Ya tlanki nochi isin. Nacho paki pampa inan kiwikas iwanya. Kimamas isin kemman kikowas.